Војдан Стојановски: Најважно е да се воиграме добро

Најискусен во нашата кошаркарска репрезентација е Војдан Стојановски, кој воедно е и капитен на селекцијата која ќе настапи на квалификациите за ЕП 2017.

Капитенот Војдан Стојановски за текот на подготовките напомена:

- Работиме напорно, а сега ќе следува периодот каде ќе играме и натпревари и потребно е да го имаме потребниот ритам и најважно да избориме пласман на Европското првенство. На овие контролни дуели најважно ќе биде добро да се воиграме, а резултатот нема да биде во прв план.

Македонија на 5 и 6.август ќе одигра два пријателни натпревара со Бугарија, а првиот дуел од квалификациите Македонија го игра на 31.август дома со Луксембург. Противници на нашите кошаркари се уште и селекциите на Велика Британија и на Унгарија, а Македонија сите натпревари како домаќин ќе ги игра во Кавадарци.