Во Врање досега вакцинирани 2.032 Mакедонци, без закажување можно вакцинирање и во Ниш и во Нови Сад
Според последните податоци на Градскиот штаб за вонредни состојби во Врање за време на викендот вакцинирани се 927 граѓани на Република Македонија, јави дописникот на МИА од Белград.
Од ПР службата на Здравствениот дом во Врање соопштија дека досега во овој град со првата доза се вакцинирани 2.032 граѓани на Македонија.
Од денес граѓаните на Македонија можат да се вакцинираат на главниот пункт за вакцинација во Врање, во Спортската сала, без претходно закажување и претходно подготвени списоци.
Од Здравствениот дом во Ниш за МИА изјавија дека и во овој град македонските државјани можат да се вакцинираат без закажување преку е-Управа.
Покрај граѓаните на Србија, македонските граѓани и граѓаните на БиХ, можат да се вакцинираат и во Нови Сад без покана од е-управа.
Достапни се вакцините на Синофарм, Астразенека и Фајзер, додека „Спутник В“ се дава само на граѓаните кои добиле покана од е- Управа.
Главниот техничар на Здравствениот дом „Нови Сад“, Ненад Вукас, за 021.rs изјави дека странците од овие две земји можат да се вакцинираат на Новосадскиот саем, како и во трговските центри БИГ и Променада, додека вакциналниот автобус ќе ја менува својата локација секој ден.
Ново на Сител
-
Вашингтон го поништи договорот со лабораторијата Модерна за развој на вакцина против птичји грип
-
Состанок на претставници на студентите во блокада и челниците на Универзитетот во Белград
-
Кина почна мисија за извлекување примероци од астероид
-
Реал Мадрид се вклучува во трката за Вирц
-
Висар Ганиу исфрли отпад пред Град Скопје, Данела му се закани со докази за дивоградбите
-
Македонија и Малта ќе соработуваат за користење на ЕУ фондови за инвестиции во образование, наука, млади и спорт
-
Сиљановска-Давкова на Меѓународниот Астана форум 2025
-
Зидан сонува да стане селектор на Франција