Во војната против тероризмот загинале најмалку 500.000 луѓе
Најмалку 500.000 луѓе загинаа во Ирак, Авганистан и Пакистан од почетокот на војната против тероризмот, што САД ја почнаа по нападите на 11 септември 2001 година, се наведува во извештајот на Институтот за меѓународни односи Вотсон при Универзитетот Браун.
Во извештајот не е прецизирана точната бројка на жртви, туку се истакнува дека за 17 години загинале од 480.000 до 507.000 луѓе, но се стравува дека е можно бројката да биде и поголема.
Новите податоци покажуваат зголемување на бројот на жртви за 110.000 во споредба со претходниот извештај објавен во август 2016 година.
Во извештајот се посочува дека иако војната против тероризмот често не го добива потребното внимание од страна на јавноста, медиумите и американските конгресмени, порастот на бројот на загинати покажува дека војната не губи интензитет, туку се засилува.
Во податоците за жртвите вклучени се и загинатите цивили, бунтовници, полицајци, членови на локалните безбедносни сили, а исто така и американски војници и припадници на сојузничките сили.
Најголем број цивилни жртви регистрирани се во Ирак од 182.272 до 204.575 луѓе, а следува Авганистан (38.480) и Пакистан (23.372).
Во Ирак и во Авганистан убиени се приближно 7.000 американски војници.
– Можно е никогаш да не ја добиеме реалната бројка на жртви од таквите војни, изјави авторката на извештајот Нета Крафорд, додавајќи оти голем број од жртвите, регистрирани како борци, можно е да биле цивили.
Во извештајот на Институтот за меѓународни односи Вотсон при Универзитетот Браун не се вклучени индиректните жртви во војната против тероризмот, кои починале од болести или поради недостиг на инфраструктура.
Ново на Сител
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи