Во велешко Горно Јаболчиште се одржа седмата „Компиријада 2016“
Во организација на Општина Чашка и ООУ „Лирија“ денеска во селото Горно Јаболчиште се одржа седмата „Компиријада 2016“.
На повеќе штандови посетителите можеа да го купат познатиот јаболчишки компир кој главно е црвен, а може да биде и жолт, како и овчо сирење, костени и уште неколку земјоделски производи од овој планиснки регион во велешко.
Како што појасни за медиумите Милена Андова од Општина Чашка, Целта на манифестацијата „Компиријада“ која првпат беше организирана во 2010 година е да се промовираат локалните земјоделски производители на компири, овчо сирење и костени.
- Посетителите поблиску да ја запознаат традицијата и карактеристиките на овој прекрасен и еколошки чист регион и здрава храна, потенцира Андова.
Манифестацијата беше збогатена и со богата културно-уметничка програма во изведба на учениците од ООУ „Лирија“, кои ги презентираа своите носии, игри и песни – традиции на албанското население во земјава.
Селото Горно Јаболчиште кое брои над две илјади жители се наоѓа на 980 метри надморска височина под Солунска Глава. Во непосредна близина извира и реката Тополка од која со вода се снабдува Велес и околните населени места.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот