Во Србија досега вакцинирани 218.000 лица, а 578.330 аплицирале за вакцина
Во Србија досега се вакцинирани 218 000 граѓани, а вчера вакцината против коронавирусот ја примија 43.000 лица. Досега 578.330 граѓани аплицирале за вакцинирање, а денеска ќе се вакцинираат 25.000 лица.
Претходните денови на сите пунктови во Србија, покрај граѓаните што аплицирале за имунизација, беа вакцинирани и оние кои беа дојдени без повик. Во Србија граѓаните на почетокот на овој месец се вакцинираа со вакцините на Фајзер и Спутник V, a последниве денови мнозинството од нив се вакцинира со кинеската вакцина Синофарм, која е најдостапна.
Државниот секретар во Министерството за здравство, Мирсад Ѓерлек, изјави дека од утре ќе се работи во две смени на Белградскиот саем, кој е најголем пункт во Србија за вакцинација со 58 медицински сестри и дека дневно се планира да се вакцинираат по 10.000 лица.
Епидемиологот Бранислав Тиодоровиќ денес изјави дека примерокот од новиот, мутиран вид на коронавирус во Србија бил земен на 31 декември, кога жената која пристигнала од Велика Британија ги забележала проблемите.
На прашањето дали е оправдан стравот од новиот вид на коронавирус, Тиодоровиќ одговори дека поголем број на заразени се последица на тоа што мутираниот вид побргу се пренесува и дека последица на поголемиот број на заразени е поголемата смртност во споредба со веќе присутниот вирус.
Тиодоровиќ кажа дека „таму каде што мерките не се спроведуваат целосно, со поголемата инфекција се зголемува и смртноста“ и дека без оглед на фактот дека „вакцинацијата оди добро“, апсолутно сите мерки што се во сила треба да се почитуваат.
Ново на Сител
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери
-
Објавени правилата на дебатата меѓу Бајден и Трамп, која ќе се одржи на 27 јуни
-
Фидан: Мировниот предлог на Путин е трошка надеж