Во Србија денеска 12.877 новозаразени со Ковид-19
Според официјалната веб-страница на Министерството за здравство на Србија, во последните 24 часа 12 877 лица биле позитивни на коронавирус од тестирани 33 195 лица, 26 лица починале, со што вкупниот број на починати од ковид-19 е 12 984 лица, јави дописникот на МИА од Белград.
Во Србија, вчера за првпат од почетокот на епидемијата е регистриран петцифрен број новозаразени со коронавирус – 13 693, од 37 402 тестирани примероци.
Коронавирусот експлодираше, порачуваат епидемиолозите во Србија. Во Белград повеќе од осум илјади луѓе дневно се прегледуваат во ковид амбулантите, а во аптеките во последните седум дена распродадени се брзите антигенски тестови наменети за домашна употреба.
Вирусологот Миланко Шеклер денеска изјави дека има многу повеќе новозаразени, можеби двојно повеќе отколку што деновиве покажуваат бројките, наведувајќи дека доминира омикрон сојот на коронавирус.
– Фактот што вчера имаше близу 14 000 новозаразени, не ми значи многу. Со денови луѓето чекаат на ниски температури во редици но не се тестирани сите, затоа што се откажуваат или ги враќаат за некој друг ден. Тоа се оние денови кога имаше 8000 – 9000 новозаразени, па сигурен сум дека оваа бројка од десет илјади е барем двојно поголема, можеби и од оваа од 15 000, изјави Шеклер за ТВ Пинк.
Од 3 до 9 јануари повеќе од половина од тестираните студенти во Студентската поликлиника во Белград имале позитивен наод или од 600 тестирани, дури 340 студенти биле позитивни.
Поради крајно неповолната епидемиолошка состојба, претходно најавената организирана прослава на српската Нова година (Василица) во повеќе градови е откажана.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување