Во Штип отворена првата универзитетска телевизија во земјава
На Универзитетот „Гоце Делчев“ (УГД)-Штип во присуство на заменик министерот за образование, Спиро Ристовски и на ректорот на УГД-Штип, Блажо Боев денеска свечено беше отворена првата универзитетска телевизија во земјава „УГД-Телевизија“. Ристовски истакна дека отворањето на УГД-Телевизија е за потребите на студентите од сите факултети на штипскиот универзитет.
- Телевизијата ќе емитува исклучиво едукативни, научно-истражувачки содржини, со цел информирање на сите студенти, не само во градот, туку секаде каде УГД има свои дисперзирани студии. Станува збор за најквалитетно опремено ТВ студио, во кое што ќе работат професионалци, а на мое лично задоволство, како што и претходно разговараме дел од оваа студио ќе биде користено и за практична настава за студентите од одделот за Новинарство и секако за студентите од Академијата за филмска уметност, вели Ристовски.
Тој апелира и останатите високообразовни институции во земјава да го следат развојот и инвестирање во целокупната инфраструктура, како што го прави штипскиот универзитет за своите студенти.
Ректорот, Боев рече дека од денеска официјално на УГД Телевизија ќе се емитуваат содржините, емисиите кои се подготвуваат за студентите од сите факултети на штипскиот универзитет.
- УГД Телевизија ќе понуди информации за студентите, а ќе имаме и подобра презентација на наставниот кадар во делот на она што го истражуваат во едукацијата и во науката. Значи оава телевизија е еден значаен исчекор да бидеме транспарентни до крајни граници во тоа што го работиме и не само за студентите во Штип, како што кажа заменик министерот него и за сите студенти кои се наоѓаат во дисперзираните центри, рече Боев.
За потребите на УГД телевизијата целосно е опремено новото студио на Кампус 2, кое ќе биде поли функционално, а идејата е да се зголеми транспарентноста и да се осовремени студирањето, со крајна цел, креирање на квалитетен кадар на пазарот на трудот.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција