Во Куманово одржан противпожарен натпревар за ученици од основни и средни училишта

Во кумановското основно училиште „Браќа Миладиновци“ денеска се одржа 31-от противпожарен општински натпревар за ученици од основни и средни училишта, во организација на општинскиот противпожарен сојуз, Дирекцијата за заштита и спасување, Територијалната противпожарна единица и општина Куманово. 

 

Годинава, на натпреварот учествуваа осум екипи во категорија јуниори, додека во категорија кадети се натпреваруваа пет екипи.

 

- Станува збор за традиционален квиз. Екипите се подготвуваа од стручни материјали, издадени од противпожарниот сојуз на Македонија, од кои едната се однесува на пожари во урбани средини ,а втората за пожар на отворен простор, изјави Часлав Јовановиќ од општинскиот противпожарен сојуз.

 

Прво место во категорија од основни училишта е едкипата на „Крсте Мисирков“, а прво место во категорија на средните училишта. е екипата на „Наце Буѓони“.