Во Кочанско не е регистрирана појава на бруцелоза кај стоката
Во општините Кочани, Зрновци и Чешиново-Облешево започна акцијата за евидентирање и вакцинирање на подмладокот на стоката кај овците и козите од болеста бруцелоза. Засега соработката со сточарите од населените места на регионот се одвива мошне успешно, истакнуваат од Ветеринарната амбуланта „Вед мед“ од Кочани.
- Наши стручни екипи се на терен и забрзано ја вршат евиденцијата и вакцинацијата на овци и кози. Земаат крв за испитување за појавата на болеста бруцелоза кај добитокот. Со оваа акција во Кочанскиот регион е планирано да бидат вакцинирани и испитани околу 5.000 грла овци и кози. Засега акцијата се одвива усешно и не е забележана појава на оваа болест, изјави др. Ѓорѓе Атанасов, доктор по ветеринарна медицина.
Со ова всушност започна и годишниот попис на овци и кози за 2016 година за Кочанскиот регион, согласно Програмата за превенција кај стоката во земјава за испитување на крв кај стоката за утврдување на болеста бруцелоза која ќе трае континуирано до 2020 година.
Минатата година во Кочанско не е регистриран ниту еден случај на бруцелоза кај стоката.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата