Во Калифорнија поради шумски пожар евакуирани 7.000 луѓе
Шумски пожар засилен од ветрот што избувна на имотот каде што се наоѓа базата на американската морнарица во јужниот дел на Калифорнија, предизвика евакуација на над 7.000 луѓе.
Таканаречениот „Крик пожар“, активен шумски пожар кој гори од септември, избувна синоќа покрај патот на источниот раб на кампот „Пенделтон“ северно од Сан Диего. Пожарот до денеска зафати околу 3.000 хектари, соопштија локалните власти.
Во пожарот нема жртви ниту штета, но утрово е издадена наредба за евакуација на луѓето сместени во базата, како и во блиската населба Фолбрук, каде живеат 7.000 лица.
Според податоците од пладне по локално време, пожарникарите не биле во можност да го изгаснат пожарот, и покрај тоа што дотогаш ослабеле силните ветрови.
Во моментов во тек е истрага за причините за пожарот.
Овогодишната сезона на шумски пожари во Калифорнија беше една од најлошите. Пожарите зафатија над четири милиони хектари и над 10.000 домови и згради, а животот го загубија 33 лица.
Ново на Сител
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен
-
Скопјанка прскала со вода по луѓе кои правеле врева - ја нападнале со лименки
-
СЗО: Преминот Рафа блокиран, нема гориво и медицински материјали
-
Аглер со честитка до Силјановска Давкова: Историски избор на прва жена претседател на Северна Македонија