Во Грција не стивнуваат пристигнувањата на нови бегалци и мигранти

На грчките острови во изминатите 48 часа пристигнале вкупно 84 мигранти и бегалци, соопштија денеска властите.

Според последните информации на Координативното тело за справување со бегалската криза, на Лезбос, Хиос и Самос во моментов има 9.308 бегалци и мигранти.

Локалните и пристанишните власти бараат грчката Влада да преземе итна акција за да се растеретат пренатрупаните објекти во кои се сместени мигрантите, инсистирајќи на тоа дека не можат да се справат со неодамнешниот пораст на пристигнувања од соседна Турција.