Во чистките во Турција отстранети уште 8.000 припадници на силите за безбедност

Околу 8.000 припадници на силите за безбедност се отстранети од должноста во најновата чистка во Турција по неуспешниот обид за државен преврат во земјата. 

Како што беше наведено во турскиот Службен весник, мерката се однесува на 7.669 полицајци и 323 жандарми, односно 7.992 лица. 

Отстранетите припадници на силите за безбедност се обвиниети за врски со организаторите на пучот. 

Пензионирани судии и обвинители ќе можат да се вратат на работа, доколку во следните два месеца поднесат барање, се наведува во Службен весник на Турција. 

БТА потсетува, дека околу 3.300 судии беа разрешени по обидот за преврат на 15 јули.