Во Британија заразата со Ковид-19 се зголеми четирипати за еден месец
Стапката на инфекција со коронавирус во Велика Британија се зголеми за четирипати во последниот месец, објавија британските научници врз основа на случајно тестирање на десетици илјади луѓе.
Пол Елиот, раководител на Одделот за епидемиологија на Империјал колеџ во Лондон, кој го спроведе истражувањето, изјави дека еден од 200 луѓе сега е заразен со коронавирус низ цела Британија, што е скок во споредба со почетокот на септември кога тој однос беше еден на 800.
Научниците велат дека меѓу заразените има веројатно двојно повеќе афроамериканци и луѓе со азиско потекло отколку белци и дека стапките на инфекции се зголемуваат кај сите возрасни групи во Англија, а најмногу кај младите на возраст од 18 до 24 години.
Наглиот пораст на бројот на новизаразени случаи започна во август, кога Владата покрена едномесечна промоција на угостителството, со големи попусти на цените во рестораните.
– Сепак, тие забележаа и навестувања за забавување на епидемијата, рече Елиот, кој смета дека е можно неодамнешните мерки да придонеле за тоа, вклучително и забраната за собирање повеќе од шестмина.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата