ВМРО-ДПМНЕ: СЈО е инструмент диригиран од СДС
ВМРО-ДПМНЕ смета дека кривичните постапки на Специјалното јавно обвинителство се тенденциозни и политички мотивирани и дека сите акции кои ги презема СЈО се во насока на оцрнување на раководството на ВМРО-ДПМНЕ по налог на Заев.
- Зоран Заев јавно говореше дека не ги признава судските одлуки и не одеше на рочишта, а судот му го врати пасошот. Охрабрени од ваквите привилегии за Зоран Заев, кој има третман дека е над законот, СЈО се впушти во политичка авантура неосновано да бара мерки за обезбедување за неговите неистомисленици. Раководството на ВМРО-ДПМНЕ нема намера да ја опструира правдата, затоа што не сторило ниту едно кривично дело и секогаш работело според Устав и законот. Барањата за притвор на СЈО за раководството на ВМРО-ДПМНЕ беа желба на Заев со која би го елиминирал стравот од поразот кој го чека на локалните избори, изјави претпладнево Бојан Стојаноски од ВМРО-ДПМНЕ.
Според него, почнувајќи од „Титаник“ преку, како што рече, „измислените тврдини, траектории и тенкови“, сите обвиненија се без основа и срам за правосудниот систем и за оние кои ги конструирале.
- На граѓаните на Република Македонија им е совршено јасно дека СЈО работи под директен диктат на СДС. Обвиненијата на СЈО се само наратив од прес-конференциите на Заев и служат единствено за оцрнување на раководството на ВМРО-ДПМНЕ. Ова не е право и правда, ниту има каква било допирна точка со правото и правдата. Ова е политика, додаде Стојаноски.
Ново на Сител
-
Пленковиќ: Четворица повредени од Северна Македонија за два дена ќе бидат префрлени во Хрватска
-
МЗ: Отворена телефонска линија за психолошка поддршка на пациентите 078 378 754
-
„Лажат дека пиротехниката ја донел бендот“ - се огласи сопругата на Андреј од „ДНК“
-
Муцунски: Во странство испратени 51 пациент, ќе заминат уште дваесетина повредени од пожарот во Кочани
-
Најавен протест во Кочани во 13 часот
-
Сочувство од Вселенскиот Патријарх за трагедијата во Кочани
-
Утрово почина долгогодишен шофер на возила во Итната помош Кочани
-
„Ние сме херои, спасивме 200 луѓе останавме до последен момент во огнот“, кажа осомничен за пожарот во Кочани