ВМРО-ДПМНЕ: Лични карти не се издаваат повеќе од 20 дена
МВР на Спасовски е нефункционално, лични карти не се издаваат и повеќе од 20 дена.
Граѓаните за лична карта чекаат и повеќе од месец дена, а во последните 20 дена не е издадена ниту една лична карта. Ова е дебакл на системот за кој виновна е власта.
Спасовски со нефункционалноста на МВР и неиздавањето на лични карти го крши и Законот за лична карта кој јасно пропишува во својот чл.12 дека личната карта се издава во рок од 15 дена од денот на приемот на барањето за издавање.
Кој ќе одговара и дали воопшто некој ќе понесе одговорност затоа што се крши законот? Уште поважно кој ќе им ја надомести штетата на граѓаните кои не можат слободно да стапат во правен промет затоа што системот не е способен да им издаде лична карта согласно законски утврдениот рок?
Власта ги става граѓаните во голем ризик, но и во голема штета.
Една од потребите за постоење на организирана власт е и обврската да им пружа услуги на граѓаните. Со Заев и Спасовски власта не го исполнува и овој услов за свое постоење. Заев и Спасовски целосно потфрлија и за тоа треба да има одговорност.
Време е неспособните да си одат. Време е за Македонија за сите луѓе!
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?