ВМРО-ДПМНЕ: Економските политики и мерки на власта на СДСМ и ДУИ даваат катастрофален резултат, сите економски параметри го говорат тоа
Економските политики на владата на СДСМ и ДУИ, администрирана од Ковачевски, се лоши и затоа резултатот од тоа е катастрофален.
Македонија поради лошите економски политики и мерки кои досега ги преземаше е на дното по раст на БДП во регионот. Минатата година во Македонија беа затворени околу 7000 компании, а бројот на вработени во индустријата се намалил.
Граѓаните се соочуваат со висока инфлација од околу 7%, основните продукти пораснаа од 30 до 70% за краток период, што е причина стандардот да паѓа, а сиромаштијата галопирачки да расте.
Растот на инфлацијата е поголем од растот на платите и пензиите, а 35% од населението во Македонија е под ризик од сиромаштија.
Во исто време расте и долгот на државата, па така тој надмина 60% од БДП или во евра, ја надмина психолошката граница од 7 милијарди евра и според проценките на владата тој ќе расте уште најмалку 600 милиони евра до крајот на годината.
Никој не знае каде завршија до сега овие пари, бидејќи нема нови автопати, нови болници, нови училишта, детски градинки, ама затоа има непродуктивни трошоци за кафиња, мебел, службени возила, режано цвеќе, фстаци и хотелски услуги.
Овие економски параметри се доволни да покажат каква неспособна, неодговорна и криминогена власт владее со Македонија. Народот тоне во сиромаштија, а власта се богати. Тоа мора да престане.
Центар за комуникации на ВМРО-ДПМНЕ
Ново на Сител
-
По ДСЗИ, од вчера случајот со смртта на 14 месечното бебе го истражува стручната комисија
-
Мајката и малолетната ќерка во тетовско Слатино починале од труење
-
Филипче: Мицкоски има обврски да информира за ЕУ во Собранието
-
Филков: Правосудниот систем мора да се реформира, дебатите стартуваат следниот месец
-
ДКСК: Синот на Мицкоски во САД бил на своја сметка, не е прекршен законот
-
ДУИ: Последици и незадоволство по укинувањето на балансерот
-
Уставен го укина балансерот, нема веќе вработувања по етничка основа во администрација
-
Преглед на вестите од светот