ВМРО-ДПМНЕ бара оставка од министерот Таравари
ВМРО-ДПМНЕ бара оставка од министерот за здравство Арбен Таравари, а стручните лица веднаш да кажат од каква болест починаа пациентите од Гостиварско.
Според партијата, состојбата е алармантна и загрижувачка. Граѓаните мора да знаат како да се заштитат.
- За само три дена негрижата и неспособноста на министерот Таравари однесе два човечки животи на возраст од 47 и 23 години. Зошто веќе неколку дена се молчи дека се шири смртоносна болест низ државата и зошто се молчеше дека починале две лица како резултат на тоа. Според нашите информации во животна опасност се уште шест лица кои се во моментов на Инфективната клиника, истакна на прес-конференција Дафина Стојаноска од ВМРО-ДПМНЕ.
Изминатиот период, нагласи, постојано укажувавме на неспособноста на Владата на Заев, но за жал дојде до најлошото. Изминатите неколку дена починатите две лица биле третирани крајно несериозно и воопшто не биле преземени никакви мерки од надлежните во здравството.
- Неспособноста, непосветеноста и негрижата на Владата на Заев одземаа два човечки живота. Од засега наши извори се работи за сериозна заразна болест од вирусен причинител која премногу брзо се шири меѓу луѓето и е смртно опасна, рече Стојаноска.
Според неа, не биле преземени карантински мерки и веќе починатите воопшто не биле третирани во карантин. - Постојат сериозни индиции болеста да е раширена и меѓу луѓето со кои биле во контакт, како и здравствениот персонал кој работи во гостиварската болница и на скопската клиника. Според нашите информации, причината за немањето дијагноза е тоа што нема реагенс во Институтот за јавно здравје. За ова, директна одговорност носи министерот Таравари, рече Стојаноска.
Таравари, дополни Стојаноска, наместо да прави ПР стратегии и хаштази, треба да се фати за работа и да не дозволи ширење на болеста. - Наместо да одржуваше средби со амбасадори, Таравари требаше да биде меѓу граѓаните и да се соочи со нивните реални проблеми. Најмалку што може да направи во моментов е да поднесе оставка заедно со целиот тим, рече Стојаноска.
Ново на Сител
-
Тема на денот со Арбен Таравари, министер за здравство и лидер на АА
-
Меџити: Ова е почеток на крајот на Европскиот фронт, следува нов бран на дестабилизација во ДУИ
-
СДСМ: Божиновска должи одговори
-
Таравари за смртта на 14 месечното бебе - Лична одговорност мора да има!
-
На интернет измами најчесто наседнуваат луѓето со ниски примања, велат психолозите
-
ВМРО-ДПМНЕ: 250 евра за секој студент - 10 милиони евра фонд за бизнис за млади
-
Само 1% од вработените во ЈКП-ЈА се лица помлади од 35 години, а 65% постари од 55 години
-
Потребна е поголема поддршка на жените земјоделки