Влада: Зголемени платите во здравството за 5 проценти, капитацискиот бод за матичните лекари и гинеколозите за 33 отсто, за стоматолозите за 23 проценти
Владата се грижи подеднакво за сите. Здравствените реформи носат резултати. Конечно македонското здравство се ресетира, освен бројните реконструкции во здравствените установи сѐ со цел подобрување на здравствена заштита и услуга на пациентите, растат и платите на здравствените работници, медицински сестри кои неуморно се борат за здравјето на граѓаните, соопшти владината прес-служба.
Од државниот буџет се обезбедени 550 милиони денари за раст на платите во здравството, посочуваат од Владата. За само 6 месеци, здравствените работници, медицински сестри, технички и административен персонал добија второ покачување од 5 проценти, со што платата на докторите е зголемена за 4.815 денари, додека на медицинските сестри за 6.200 денари. Дополнително, со Буџетот се издвојуваат околу 4.5 милијарди денари за зголемување на капитациониот бод за матичните доктори од општа медицина и гинекологија од 75 на 100 денари или зголемување од 33 проценти, додека за стоматологија од 61 на 75 денари односно зголемување од 23 проценти.
- Со ова покажуваме дека никој не е заборавен и изоставен, напротив максимално се трудиме за унапредување и поддршка на здравствениот систем и поттикнување на мотивацијата на матичните лекари. Наша цел е до крајот на мандатот, платите во здравството да се покачат за 50 проценти. Работиме посветено и одговорно, за Македонија повторно да биде ваша, се наведува во соопштението од Владата.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка