Влада: Слободан Ивановски нов вд директор во Управата за финансиска полиција, Џеват Селами во Дирекцијата за заштита и спасување
Владата на Република Северна Македонија на денешната седница донесе одлуки за именување нови кадровски решенија во неколку институции.
Како што стои во соопштението владината прес служба, со заклучок донесен на седницата, Владата му предложи на Собранието на ЕВН Електростопанство на Македонија, Акционерско друштво за дистрибуција и снабдување со електрична енергија, Скопје, од должноста член на Надзорниот одбор како претставник на Владата да го отповика Златко Лазиќ, а на негово место да го избере Бојан Николовски.
На позицијата в.д директор на Управата за финансиска полиција се именува Слободан Ивановски. Ивановски, се посочува, е магистер по правни науки со положен правосуден испит. Има долгогодишно работно искуство во Управата за јавни приходи, а во моментот е претседател за Комисија за прекршоци на УЈП - Регионална дирекција Прилеп.
Џеват Селами, е именуван за вршител на должноста директор на Дирекцијата за заштита и спасување. Селами, се наведува во соопштението, е дипломиран правник, членувал во повеќе работни група, бил професор во СУГС „Арсени Јовков“, а од 2013 до 2020 година бил раководител на одделение за управување со човечки ресурси, а во моментот е раководител на сектор во Дирекцијата за заштита и спасување.
Владата го разгледала и Предлогот на Комисијата за разгледување на пријави од кандидати по објавениот Јавен оглас бр.07/2024 за именување на еден член на Регулаторната комисија за енергетика и водни услуги и услуги на управување со комунален отпад на Република Северна Македонија и согласно член 18 од Законот за енергетика („Службен весник на Република Македонија“ бр. 96/2018 и „Службен весник на Република Северна Македонија“ бр.96/2019, 236/2022, 134/2024 и 147/2024), и заклучила да му предложи на Собранието на Република Северна Македонија за член на ова регулаторно тело да ја именува Елена Маркова Велинова, се посочува во соопштението од владината прес-служба.
Ново на Сител
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција
-
Претреси во Битола и Македонски Брод, пронајденo оружје и муниција, лишени од слобода две лица
-
Гаши: Значајните историски датуми се потсетник дека треба да дејствуваме заедно во градење современа и просперитетна држава
-
Автобусите на ЈСП ќе сообраќаат по неделен возен ред
-
Претседателката Сиљановска Давкова упати честитка по повод 23 Октомври – Денот на македонската револуционерна борба