Виница ќе практикува Американски ускуства за справување со одпад

Општина Виница собира Американски искуства во справувањето со комуналниот одпад. Гоце Георгиев, комунален инспектор во општина Виница помина двонеделен тренинг за обука за селекција и управување со одпад на Универзитетот „Тексас“ во САД.

-Есеј за справување со отпадот во општина Виница, Република Македонија, ми донесе интернационална школарина.  Аплицирав на конкурс на Универзитетот во Арлингтон, со што обезбедив двонеделна едукација со врвни експерти од 26 земји во светот и споделување на врвни достигнувања во управувањето со отпад, истакна Георгиев.

Тој  зад себе има уште едно вакво тренинг искуство и од Јапонија, а стекнатите знаења  во управувањето со отпад ќе ги споделува со своите колеги во Здружението на комунални инспектори на Република Македонија  како негов претседател, додека неговите сограѓани добиените сикуства од Јапонија и Америка очекуваат да бидат применети и во нивната средина.