Видодо и Цукерберг играа пинг-понг на „нулта гравитација’’

Претседателот на Индонезија Јоко Видодо и основачот на Фејсбук Марк Цукерберг во средата наечер одиграа пинг-понг партија со „нулта гравитација’’, видео игра која ФБ ќе ја лансира на пазарот на 28 март годинава.

Играта, која ќе се вика „Окулус рифт’’ се најавува како револуционерна пресвртница во тоа што досега е создадено на полето на виртуалната реалност.

Се разбира дека Видодо не дошол само да ја искуси новата виртуелна игра на Фејсбук. Со раководството на компанијата претседателот на 256 милионската Индонезија, распространета на 13.000 големи и помали острови, договарал целосно дигитално покривање на државата. Екипа експерти, што ќе ја состави Фејсбук, оваа задача ќе почне да ја спроведува во Индонезија од јуни годинава.