Венеција двојно ја поскапе влезната такса за еднодневни патувања
Посетителите на Венеција од денеска мора да платат влезница до 10 евра за еднодневна посета на градот, што е двојно повеќе од сумата што се бараше минатата година кога беше воведен овој систем, јави ДПА.
Надоместокот важи за сите денови до првиот викенд во мај, а потоа за сите викенди од петок до недела до крајот на јули.
Севкупно, годинава таксата ќе се бара за 54 дена, што е речиси двојно повеќе од лани.
Посетителите мора да добијат QR-код онлајн пред пристигнувањето и да го преземат на нивниот мобилен телефон.
Во 2024 година, Венеција стана првиот град во светот кој наплатува влезници за краткорочните посетители, слично како музеите.
Оние кои немаат билет ризикуваат да бидат казнети до 300 евра.
Системот останува главно непроменет од минатата година, но сега се бара почесто плаќање и во поголем износ.
Луѓето кои направиле предвремени резервации можат да влезат во градот за 5 евра, додека „last-minute“ посетителите ќе платат 10 евра.
Ново на Сител
-
Трамп: Ќе се случи нешто во Украина, работите ќе се средат
-
Андоновски: Имаме капацитет за спроведување дигитален попис, во 2026-та ако бидеме подготвени
-
Скопје денеска со третата највисока температура во Европа – 41,7°C
-
Орбан: Да бараме од нашите семејства да плаќаат 3,5 пати повеќе за гас? Тоа не е лидерство, туку економско самоубиство
-
Путин: Русија ќе ги намали воените трошоци и е отворена за преговори со Украина
-
Рекордни температури и пожари на Балканот, се очекува разладување за викендот
-
Вицепремиерот Николоски учествува на Форум за министри за транспорт во Истанбул
-
Сиљановска-Давкова ги прими припадничките на Армијата кои успешно ја завршија обуката во САД