Велика Британија: ЕУ постојано ни поставува нови услови
Британската Влада ќе мора да заземе конечен став за тоа дали ќе биде можно да се постигне договор за деталите за излезот и понатамошната соработка со Европската унија по конечното излегување на земјата од Унијата на 31 декември, изјави денеска британскиот министер за заштита на животната средина Џорџ Јустис.
Според „Гардијан“, тој ја обвини ЕУ дека „постојано и во последен момент измислува нови барања, кои го доведуваат во прашање постигнувањето на договор“.
Јустис се осврна на најновите извештаи дека преговорите наскоро целосно ќе пропаднат, додека извор близок до Владата, кој учествувал во преговорите, изјави дека ова е „последното фрлање на коцката“.
– Имаше надеж, имаше напредок во преговорите минатата недела, во еден момент се чинеше дека ќе постигнеме решение, а потоа ЕУ додаде цела низа дополнителни барања, што предизвика проблеми. Ќе продолжиме да преговараме сè додека нема смисла да се преговара, но нема сомнение дека она што се случи во петокот и саботата е голем чекор назад, рече Јустис.
ЕУ ги отфрли тврдењата на Јустис дека барањата претставуваат „закана за преговорите“.
Преговорите меѓу Велика Британија и ЕУ продолжија и денеска во последен обид да се постигне конечен договор.
Ново на Сител
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово
-
Честитка од претседателката Сиљановска Давкова по повод 23 септември, Меѓународниот ден на знаковниот јазик