Утринава нови дојави за бомби во училиштата во БиХ
Католичкиот училишен центар Свети Павле во Зеница беше евакуиран откако управата на училиштето добила закана за поставена бомба, со што се прошири оваа појава надвор од главниот град на БиХ, Сараево.
Портпаролот на МВР на Зеничко-добојскиот кантон, Самир Валентиќ, потврди дека информацијата за поставена бомба пристигнала нешто после осум часот.
„Полицајците потоа ги евакуираа сите ученици и започнаа противдиверзиски преглед,“ изјави Валентиќ. Речиси истовремено, закани за бомби пристигнале и во две училишта во Сараево, каде што наставата исто така била прекината, а учениците евакуирани.
Оваа недела, сараевската полиција идентификуваше и приведе три малолетни лица за кои беше утврдено дека испраќале закани до училиштата. Едно од лицата, како што е утврдено за време на истрагата, упатило закани дури 49 пати.
По кривичната обработка, лицето беше предадено на обвинителството на Сараевскиот кантон. Обвинителот поднесе предлог за едномесечен притвор пред судија за малолетни лица поради сомневање за кривични дела загрозување на безбедноста и лажно пријавување.
Ново на Сител
-
Мисајловски: Само со стабилно финансирање ќе успееме да ги развиваме одбранбените способности
-
Мицкоски за писмото до ЕУ: Се уште правиме анализи, избрзани чекори се лош потег
-
Сомневањата за вмешаноста на таткото на Вања првично потекнаа од изјавите на Велибор и Боре, изјави сведок на судењето
-
Барак и Мишел Обама се вклучија во кампањата на Камала Харис за избор за претседател на САД
-
Четворица работници повредени во ескплозија во погонот за артилерија во фабриката Слобода во Чачак
-
По повод 20-годишнината, НЕОТЕЛ воведува нов пакет за деловни корисници со брзина до 500 Mbps
-
Мицкоски: Не очекувам да има турбуленции и позначителни потреси на пазарот со електрична енергија во земјава
-
Сведок во судењето за убиството и Вања и Панче: Запалениот цитроен „цитроен“ не донесе до пик-ап возилото и партијата „Десна“