Утринава нема подолги задржувања на граничните премини

Нема подолги задржувања на граничните премини од македонска страна, соопшти утринава АМСМ.

Како што информира АМСМ, сообраќајот на државните патишта се одвива непречено, по наместа влажни коловози, со зголемен интензитет на сообраќај на патните правци надвор од градските средини.

- АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се вели во соопштението на АМСМ.