Утре генерален штрајк во Грција
Новиот закон за работни односи, за кој синдикатите сметаат дека, меѓу другото, го укинува осумчасовното работно време, е причината за утре да закажат 24-часовен генерален штрајк, што ќе ја парализира Грција, јави дописничката на МИА од Атина.
Штрајкот што ќе започне во шест часот наутро, а го организираат Синдикатот на вработените во јавниот сектор (АДЕДИ) и Синдикатот на вработените во приватниот сектор (ГСЕЕ), учествува и Синдикатот ПАМЕ на Комунистичката партија, ќе создаде проблеми во бродскиот и железничкиот сообраќај во Грција, во јавниот превоз во Атина, но и во информирањето на граѓаните.
Учествуваат и вработените во медиумите, во приватните и државните, со што Грција утре ќе биде без информативни емисии и без вести.
Бродовите ќе останат закотвени на пристаништата, возовите на железничките станици, а во Атина ќе функционираат само автобусите и тоа само 12 часа, а метрото, трамвајот и тролејбусите нема да возат.
Во штрајкот учествуваат и вработените во државните болници, во брзата помош, професорите и наставниците, како и државните службеници.
Во рамките на 24-часовниот штрајк закажани се протести во Атина и други грчки градови, а на протест повикаа и од опозициската СИРИЗА.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп