Уште две лица уапсени во врска со смртта на 39 лица во камион во Англија
Уште две лица се уапсени во врска со смртта на 39те лица пронајдени во приколка на камион во југоисточна Англија, соопшти денеска британската полиција.
Во соопштението се посочува дека маж и жена од Варингтон, северозападна Англија, се уапсени под сомнение за убиство и трговија со луѓе.
Возачот на камионот се уште е во притвор под сомнение за убиство.
Телата беа пронајдени во средата во приколката на камион- ладилник во индустриската зона во местото Грејс, на околу 40 километри источно од Лондон. Камионот и приколката со луѓето внатре, по се изгледа, се движеле одделно пред да стигнат до индустриската зона.
Британските медиуми објавија дека жртвите биле кинески државјани, меѓутоа, кинеската амбасада во Велика Британија денеска соопшти дека полицијата сè уште ги проверува идентитетите на жртвите и дека нивната националност сè уште не е утврдена.
Ново на Сител
-
На сеопфатни дискусии ќе се бара решение за законите за Судски совет и за Јавно обвинителство, дебатите почнуваат од следниот месец
-
Поведена постапка и предложен притвор за учесниците во тепачката со пукање во Чаир
-
Филков: Почнавме реформи со кои е поставена основата за длабоки и влијателни промени во судството
-
УХМР: Во петок и сабота локален дожд и пониски температури
-
Митинг на Трамп се претвори во концерт, Камала Харис го доведе во прашање неговото ментално здравје
-
Силен земјотрес го погоди источниот дел на Турција
-
Ограничено движење кај Студенчишкиот канал во Охрид поради вежбовните активности на МВР
-
Почина генерал Мајкл Џексон, првиот командант на КФОР и потписник на Кумановскиот договор