Ураганот Норма крај Мексико ослабна на ниво на тропска бура
Ураганот Норма, кој се формираше крај пацифичкиот брег на Мексико и се упати кон северозападната мексиканска сојузна држава Баха Калифорнија, ослабна на ниво на тропска бура, соопшти денеска американскиот Национален центар за урагани (НХЦ).
Според Центарот, се очекува Норма дополнително да ослабне во текот на следниве два дена, пред да стигне до бреговите на Баха Калифорнија.
Претпледнево, Норма, во чие жариште дуваат ветрови со јачина до 100 километри на час, се наоѓаше на околку 300 километри јужно од популарното туристичко одморалиште Лос Кабос. Бурата се движи со брзина од шест километри на час.
Во пресрет на наближувањето на Норма, мексиканските власти издадоа предупредување за опасност од тропска бура, пред се во јужните делови на Баха Калифорнија, каде невремето „може да донесе поројни дождови кои би предизвикале поплави опасни по животите на луѓето“.
Норма следува по бурата Макс која пред три дена ја погоди јужната мексиканска сојузна држава Оаксака на пацифичкиот брег, каде поројните дождови предизвикаа повеќе лизгања на земјштето. Оаксака на 7 септември ја погоди и земјотрес со интензитет од 8,2 степени според Рихтеровата скала, при што загинаа 96 лица.
Минатата недела атлантскиот брег на Мексико беше погоден од ураганот Катја, а на почетокот на месецов Баха Калифорнија се најде на удар на тропската бура Лидија, при што загинаа седум лица.
Ново на Сител
-
Возач удрил 13-годишно девојче и избегал од местото на настанот
-
37-годишна жена два пати физички нападната во Скопје од својот сопруг во текот на еден ден
-
Тепачка помеѓу 6 лица во Ѓорче Петров, употребувани тврди предмети и оштетени две возила
-
Кривична за двајца полициски службеници, дозволиле да застарат 14 дела за тешки кражби
-
Мицкоски: Имаме организиран пристап и ќе продолжиме да помагаме на семејствата на настраданите во кочанската дискотека
-
Го оштетиле буџетот за 2,2 милијарди денари, поднесени обвиненија за „Онкологија“
-
Мицкоски за дивоградбата во Чаир: Градоначалничката на Град Скопје има ингеренции и треба да постапува
-
Лишен од слобода крадец во Куманово, одземеното е пронајдено