Украина и Русија ќе потпишат договор за извозот на жито
Украина и Русија денеска попладне во Истанбул ќе потпишат договор за извоз на жито, соопшти синоќа кабинетот на турскиот претседател. Турскиот претседател Реџеп Таип Ердоган и генералниот секретар на ОН, Антонио Гутереш, како и претставници на Украина и Русија, ќе учествуваат на церемонијата на потпишување, што ќе се одржи во палатата Долмабахче во Истанбул.
Договорот треба да овозможи извоз на украинско жито од складишта по блокадата на пристаништата на Црното Море и да го олесни извозот на руски жита и вештачки ѓубрива. Тоа би можело да ја намали глобалната криза во храна поради што се зголемија цените на житото и други житни култури.
Планот предвидува заедничка контрола на бродовите кога заминуваат и пристигнуваат во пристаништата на Црното Море и механизам што ќе ја гарантира безбедноста на рутите, соопштија турските власти. Во Истанбул ќе биде формиран координативен центар за извозот во кој ќе членуваат претставници од ОН, Турција, Русија и Украина.
Ново на Сител
-
Внатрепартиски избори за претседател на СДСМ – тројца кандидати
-
Тема на денот со Златко Перински, министер за локална самоуправа
-
Внатрепартиски избори за претседател на СДСМ – тројца кандидати
-
Дигитална трансформација на јавните комунални претпријатија
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата