Украина го спречи обвинетиот Порошенко да учествува на европски форум
– Поранешниот украински претседател Петро Порошенко се обидел да ја напушти земјата за да учествува на Парламентарното собрание на НАТО, но бил спречен на граница, изјави пратеничката Ирина Герашченко.
Таа истакна дека Порошенко требал да пристигне како дел од делегацијата на Врховната Рада на седница на Парламентарното собрание на НАТО во Вилнус, а одлуката за патувањето ја потпишал претседателот на Радата, Руслан Стефанчук. Според пратеничката, граничарите не го пропуштиле Порошенко бидејќи наредбата ја сметаат за „лажна или укината“.
Партијата „Европска солидарност“ вчера на својот Телеграм канал објави дека Порошенко „како дел од парламентарната делегација на Украина ќе учествува на годишниот состанок на Парламентарното собрание на НАТО и ќе одржи серија состаноци со европските парламентарци“.
Порошенко е обвинет во кривично дело за снабдување со јаглен во Донбас во периодот 2014-2015 година. Случајот е покренат според неколку членови од Кривичниот законик на Украина како „финансирање тероризам“, „предавство“ и „создавање терористичка организација“. Нему му се заканува затворска казна до 15 години.
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ