Туск: Вистинското лидерство значи почитување на партнерите и сојузниците
Полскиот премиер Доналд Туск им порача денеска на американските власти, по жестоката размена на преписки откако милијардерот Илон Маск се пофали дека може да го исклучи интернетот на Украина преку Старлинк и да предизвика колапс на фронтот, дека вистинските лидери никогаш не се арогантни, а лидерството значи почитување на партнерите и сојузниците.
-Вистинското лидерство значи почитување на партнерите и сојузниците. Дури и помалите и послабите. Никогаш не ароганција. Драги пријатели, размислете за тоа, објави полскиот премиер на „Х“.
Вчерашното предупредување на полскиот министер за надворешни работи Радослав Сикорски во врска со коментарот на Маск за Старлинк за Украина, кога Сикорски рече дека Полјаците плаќаат за услугата наместо Украинците врз основа на комерцијален договор вреден околу 50 милиони долари годишно и дека наместо несигурниот Маск, тие можат да бараат други деловни партнери, предизвика остра реакција на шефот на Стејт департментот, Марко Рубио.
Рубио му рекол на Сикорски да не измислува, бидејќи наводно „никој не се заканил дека ќе го откаже Старлинк за Украина“.
-И кажете благодарам затоа што без Старлинк, Украина одамна ќе ја изгубеше војната, а Русите сега ќе беа на границата со Полска, му рече Рубио на Сикорски.
Главниот конкурент на Старлинк на Маск во Европа, француската компанија Еутелсат, изјави дека веќе има илјадници комуникациски терминали во Украина и ги разгледува опциите за замена на американскиот Старлинк.
Ново на Сител
-
Вонредни инспекции ги тресат угостителите
-
Се проверуваат сите 1.100 лиценци издадени согласно Законот за градба, речиси 100 се одземени
-
Млади од Тетово бараат правда за несреќата во Кочани, но и за Ласкарци и модуларната болница
-
Преглед на вестите од светот
-
10 пациенти пуштени на домашно лекување, Таравари апелира граѓаните да не собираат пари сами, лекувањето е бесплатно
-
27 лица и 3 фирми осомничени за пожарот во Кочани, 30-дневен притвор за екс министерот Бектеши
-
Николовски: Се контролираат и лиценци за изградба на сите објекти
-
Психолошка помош им е потреба на голем број граѓани, особено на семејствата кои ги изгубија најблиските