Туск на балканска турнеја, во Скопје доаѓа на 27 април
Кабинетот на претседателот на Европскиот совет Доналд Туск, потврди дека тој ќе учествува на самитот Брдо-Бриони на 27 април во Скопје.
Претседателот на Европскиот совет, Доналд Туск заминува на балканска турнеја помеѓу 24 и 27 април, за време на која тој ќе ги посети Албанија, Црна Гора, Србија, Босна и Херцеговина, Косово, а ќе заврши во Скопје на самитот Брдо-Бриони на 27 април.
Домаќин на состанокот на лидерите на земјите-членки учеснички од Процесот Брдо-Бриони ќе биде претседателот на Македонија Ѓорге Иванов.
Целта на процесот Брдо-Бриони е да ги собере лидерите на Западниот Балкан како и оние на Словенија и Хрватска за, како што се вели во соопштението, да се зацврсти политичкиот дијалог и да се зголеми нивото на доверба за решавање на билатералните и регионалните спорови. Туск ќе се сретне со премиерот Зоран Заев. Средба со Претседателот Ѓорѓе Иванов не е на официјалната агенда.
Целта на оваа турнеја е и да се подготви претстојниот самит за Западниот Балкан во Софија на 17 мај.
- Европската унија продолжува да биде најсигурниот партнер за целиот регион. Како најголем инвеститор, најголем донатор, најголем трговски пазар и најдобро ветување за подобра иднина на граѓаните. Нашиот самит треба да ја потврди европската перспектива за регионот. И, уште поважно, треба да ги подобри на конкретен начин конекциите во и со регионот, изјави Доналд Туск пред Европарламентот на 18 април, пишува во соопштението на Европскиот совет.
Ново на Сител
-
Притвор за четворица, куќен за шестмина ново осомничени за пожарот во Кочани
-
Стабилна е состојбата на повредените во пожарот во Кочани кои се на лекување во старата Градска болница
-
Во Вреди секој вреди, но кој ќе излезе ќе го изеде волкот
-
АХВ уништи небезбедно месо, јајца и бои за јајца
-
Неизвесен стартот и површините кои треба да бидат посеани со ориз
-
Објавен повикот за млади земјоделици - државата дава 10.000 евра
-
Кичевчани стравуваат за своето здравје - депонијата ги гуши
-
Со 2,1 милион денари ќе зацврстува иконостасот во црквата Свето Благовештение во Прилеп