Турција очекува поддршка за операцијата „Извор на мирот“ во Сирија
Република Турција нема претензии кон територијалниот суверенитет и интегритет на Сирија, целта е да се исчисти регионот источно од реката Еуфрат од терористички структури и да се формира безбедносна зона во која ќе можат да се вратат бегалците. Во борбата против тероризмот Турција очекува поддршка од сите пријателски и сојузнички земји, вклучувајќи ја и нашата држава, пред се во заштита на животот на цивилното население.
Ова е заклучокот од денешната прес-конференција на турската амбасадоркаво земјава Тулин Еркал за операцијата „Извор на мирот“, што Армијата на Турција ја спроведува во Сирија.
На новинарско прашање дали имала средба со државниот врв на нашата земја и дали добила поддршка за операцијата, амбасадорката Еркал истакна дека Република Северна Македонија е братска и пријателска земја, која Турција секогаш ја поддржувала и била меѓу нејзините главни приоритети.
– За жал во ситуацијава, можам да кажам дека државните претставници на Северна Македонија прво ги очекуваа изјавите од претставниците од ЕУ, а нивните изјави беа во таа линија, рече амбасадорката на Турција.
Укажувајќи дека приоритет за Северна Македонија се преговорите со ЕУ и членството во НАТО, таа уште еднаш посочи дека Анкара очекувала став за турската операција, меѓутоа, како што рече, тој бил искажан со задоцнување и во согласност со ставовите искажани во изјавите на претставниците на ЕУ.
На прашањето како целата ситуација ќе влијае на Балканот, особено на нашата држава, амбасадорката Еркал информира дека во Турција се засолнети над три милиони бегалци од Сирија, за кои турската држава потрошила околу 40 милијради евра. Сепак, потенцира Еркал, и покрај ветувањата за финансиска помош од страна на меѓународната заедница, тоа досега не се случило.
– Треба да имаме предвид тоа што ние се наоѓаме во земјата Северна Македонија со население близу два милиони жители, а овде станува збор за 3,6 милиони бегалци, кои моментно се засолнети во Турција. Мора да истакнам дека и соседните земји од самиот почеток на ситуацијата требаше да покажат посолидарен став. Зарем ќе биде подобро ние да ги отвориме границите за тие 3,6 милиони бегалци, рече Амбасадорката Еркал.
На прашањето кои се очекувањата по осудите кои пристигнаа за операцијата од страна на лидерите на земјите членки на ЕУ и од САД, а од друга страна Турција е членка на НАТО, Еркал ја повика Унијата да даде поддршката за операцијата.
Според неа, видео материјалите кои се објавуваат во странските медиуми за операцијата, всушност се постари материјали од 2007 и 2008 година, а, како што рече, ги има актуелизирано претседателот на САД. Таа смета дека Турција се соочува со фабрикувани лаги и со оцрнувачка меѓународна медиумска кампања против неа.
Амбасадорката Еркал потенцира дека терористичките организации – Курдската работничка партија (ПКК), Партијата на демократската унија (ПУД) и Силите за заштита на народот (УПГ), имаат своја мрежа за пропаганда, но не ги претставуваат правата на курдското население.
Досега вкупниот број на „неутрализирани терористи“, како што нагласи таа е 637, од кои дел се убиени, дел ранети, а 24 се предале на турската војска. Во нападите на терористите, како што таа ги нарече, досега на територијата на Турција се загинати шест турски војници и 18 цивили, меѓу кои и деца и едно деветмесечно бебе.
Прашана дали досега Република Северна Македонија има екстрадирано припадник на движењето на исламскиот проповедник Фетулах Ѓулен, кое Ѕурија го нарекува ФЕТО (Фетулиситчка терориситчка организација), амбасадорката Тулин Еркал изјави дека таквите барања на Анкара не биле прифатени.
– За жал не. Од страна на Северна Макеоднија не е прифатено ниту едно барање за екстрадиција. Нашиот минситер за национална безбедност при неговата посетга упати пораки во врска со сериозноста на оваа ситуација, меѓутоа за жал од стрна на Северна Македонија не е прифатено ниту едно барање, рече на денешната прес-конференција амбасадорката Еркал.
Ново на Сител
-
Прием за Денот на независноста
-
По Нова година државата може да остане само со двајца пиротехничари
-
Преглед на вестите од светот
-
Втор случај на морбили во Македонија
-
СДСМ: Братучедот на баџанакот на Мицкоски имал фирма во Бугарија
-
Преглед на вестите од светот
-
Гркот Михалис Рокас ја почнува европската мисија во Македонија
-
Тема на денот со Златко Перински, министер за локална самоуправа