Тројца милитанти убиени во престрелка во индискиот дел на Кашмир
Тројца бунтовници, вклучувајќи го и нивниот лидер, се убиени во престрелка со кашмирските безбедносни сили кои се под контрола на Индија, соопшти полицијата, јави ДПА.
Заеднички индиско армиско-полициски тим изведувал операција на пребарување на теренот во областа Пулвама, откако добиле разузнавачки информации за присуство на милитанти во областа.
-Бунтовниците отворија оган врз безбедносниот тим, при што го натераа да реагира, изјави анонимен локален полицаец.
„Убиените милитанти беа идентификувани како кадри на Хизбул Муџахедин, најголема милитантна група што оперира во Кашмир.
Еден од нив, Јехангир Рафик Вани, според унифромата беше нивен регионален командант, додаде полицискиот офицер и додаде дека кај безбедносните сили нема повредени.
Оружје, муниција и гранати се пронајдени на местото каде се случи престрелката.
Припадниците на безбедносните сили се под голема опасност во Џама и Кашмир уште од моментот на укинувањето на нивниот специјален автономен статус, во август минатата година.
Во индискиот дел на Кашмир, уште од 80-тите години на минатиот век се води сепаратистичко востание во кое досега се убиени десетици илјади лица.
Индија постојано тврди дека Пакистан ги поддржува милитантите во Кашмир, обвинение кое Исламабад го негира, нарекувајќи ги борци за слобода, појаснува ДПА.
Ново на Сител
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје