Трамп вети дека во следните неколку дена ќе даде изјава за Парискиот договор за климата
Американскиот претседател Доналд Трамп вети дека ќе даде изјава за Парискиот договор за климата, но не ги потврди различните медиумски информации што денеска се појавија, според кои тој решил САД да се повлечат од него, пренесоа светските агенции.
„Својата одлука за Парискиот договор за климата ќе ја соопштам во следните неколку дена. Да ја направиме Америка повторно голема“, напиша Трамп на Твитер.
Американскиот претседател климатските промени веќе ги нарече !„измама“, што има за цел да ја ослабе индустријата на неговата земја. На самитот на Г-7 во Сицилија тој одби да го поддржи договорот и изјави дека има потреба од повеќе време за да донесе одлука. Подоцна анонимен извор, цитиран од британските медиуми, ги потврди објавените различни медиумски информации дека Трамп планира САД да се повлечат од договорот.
Службеник на Белата куќа, исто така, изјави дека се очекува Трамп да се повлече од Парискиот договор за климата. Тој, меѓутоа, сакал да ја искористи формулата, која дозволува одлуката да се толкува како неконечна.
Само Сирија и Никарагва не учествуваат во Парискиот договор за климата.
Повлекувањето на САД, меѓутоа, би можело да има сериозни последици за договорот, што смета на учеството на земјите производители на најголемото количество штетни гасови, забележуваат британските медиуми.
Според Парискиот договор, САД до 2025 година требаше да ги намалат своите емисии на штетни гасови на 26 до 28 отсто во однос на нивото од 2005 година.
Ново на Сител
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат
-
Владата на САД го одзема правото на Харвард да запишува странски студенти
-
Трипуновски: Новиот Закон за земјоделство и рурален развој на ЕНЕР, акредитацијата на ИПАРД 3 не е загрозена
-
Мексико се уште преговара со Трамп за царините
-
Холандската централна банка до граѓаните: Секое домаќинство да има кеш - 70 евра по возрасен и по 30 евра по дете
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто