Трамп вели дека Путин би прифатил европски мировници
Американскиот претседател Доналд Трамп изјави дека рускиот лидер Владимир Путин ќе прифати европски мировници распоредени во Украина како дел од потенцијален договор за ставање крај на војната.
Трамп ова го изјавил пред новинарите на почетокот на состанокот во Белата куќа со францускиот претседател Емануел Макрон по повод третата годишнина од руската инвазија на Украина, јави Еуроњуз.
– Да, тој ќе го прифати. Јас му го поставив тоа прашање. Видете, ако го направиме овој договор, тој не бара светска војна, рекол Трамп.
ДПА пренесе дека Трамп рекол оти сака да се сретне со украинскиот претседател Володимир Зеленски оваа или следната недела, за да разговара за пристапот на САД до украинските суровини.
Тој додал дека двете земји се многу блиску до договор. Договорот ќе ја поврзе американската помош со Украина која ќе дозволи пристап до нејзините вредни и стратешки ресурси.
– Ние и помагаме на Украина како што никој досега не и помогнал на Украина, рече американскиот претседател, додавајќи дека не сака војната во Украина да ескалира во трета светска војна.
Ново на Сител
-
Уапсени двајца возачи, возеле со по 1,93 и 1,59 промили алкохол во крвта и предизвикале сообраќајни незгоди
-
Лишени од слобода две лица во скопско Рашче, пукале на свадба
-
Билки штетни за во спалната соба
-
Зидан ќе ја предводи Франција по СП 2026
-
Четвртфинале за младиот македонски тенисер Алексовски
-
Македонија домаќин на Светско училишно првенство во ракомет 2026
-
Трамп повторно се заканува дека ќе ја преземе контролата врз „ужасниот“ Вашингтон
-
За време на викендот почнуваат роковите за локалните избори на 19 октомври