Тодоров: Продолжуваат мерките за бесплатен превоз на студентите

Во програмата на ВМРО ДПМНЕ предвидуваме продолжување со два многу значајни проекти за младите. Првиот е бесплатниот превоз за студенти, истакна денес носителот на кандидатската листа на ВМРО-ДПМНЕ во ИЕ 2 Никола Тодоров.

 

-Оваа мерка досега ја искористија 22 илјади студенти во градот Скопје, тоа се студенти од целата држава и со тоа се заштедени на студентите некаде околу 4 милиони евра. Исто така со новата програма се предвидува и продолжување на проектот за бесплатен железнички превоз и тоа секој прв и трет викенд во месецот. Оваа мерка досега ја искористиле околу 50 илјади млади лица до 27 години и оваа мерка е предвидено да продолжи со новата програма. Како што кажав станува збор за две многу значајни мерки кои што исто така се предвидени и во новата програма Реално и кои што ќе бидат достапни за сите млади луѓе во државата, посочи Тодоров.