Тилерсон - Могерини: Западен Балкан има европска перспектива
ЕУ и САД сметаат дека Западен Балкан има европска перспектива, изјави високиот претставник на ЕУ за надворешна политика и безбедност Федерика Могерини по средбата со државниот секретар на САД, Рекс Тилерсон.
Таа посочи дека двајцата разговарале за четири основни теми во врска со Блискиот исток.
- Во однос на прашањето за Иран, ЕУ инсистира на тоа нуклеарниот договор да се почитува и сите други прашања во однос на Техеран да бидат разгледани надвор од таа рамка. ЕУ смета дека договорот е клучен приоритет за безбедноста, рече Могерини.
Според неа, ЕУ очекува блискоисточниот мировен процес да доведе до решение за двете држави, преку преговорите за статусот на Ерусалим како нивна заедничка престолнина.
- Во Сирија треба брзо да се премине кон процес на мирна политичка транзиција, додаде Могерини.
Според Тилерсон, САД имаат силна посветеност кон ЕУ поради заеднички цели. Тој посочи дека е неопходна победа над терористите во Исламска држава (ИД) не само во Ирак и Сирија, туку и по целиот свет.
- Иран го дестабилизира регионот со поддршката за хусите во Јемен и со извозот на оружје и војска во Сирија, со поддршка на Хезболах, рече државниот секретар.
Според него, таквото однесување не може да остане без одговор. - Ќе продолжиме да го правиме неопходното Техеран да сфати дека тоа е неприфатливо, додаде Тилерсон.
Тој изрази задоволство од санкциите наметнати од ЕУ против Северна Кореја. - Ја поздравуваме единствената порака на ЕУ против Пјонгјанг, економскиот притисок ќе продолжи се додека не се промени курсот на Северна Кореја, изјави Тилерсон.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп