Тилерсон денеска во посета на Украина

Американскиот државен секретар Рекс Тилерсон денеска ќе престојува на посета во Украина, со цел да ја потврди поддршката на САД за државата што се бори против корупција и проруските активисти во источниот дел на земјата.

Тој со украинскиот претседател Петро Порошенко ќе се состане по само 48 часови, откако присуствуваше на првата средба меѓу американскиот претседател Доналд Трамп и рускиот претседател Владимир Путин. 

Тилерсон е во еднодневна посета на Киев во момент кога САД ја испитуваат можноста за преземање на поголема улога во напорите што ги предводи Европската унија со цел окончување на тригодишните судири во источниот дел на Украина. 

Американскиот државен секретар допатува во Киев за помалку од три недели, откако Порошенко го посети Вашингтон и со состана со Трамп, барајќи гаранција за понатамошната посветеност на САД за суверенитетот и територијалниот интегритет на Украина.