Преглед на вестите од светот

Доналд Трамп го повика Врховниот суд на САД да го паузира спроведувањето на законот со кој би се забранила популарната апликација за социјални медиуми TikTok или неговата принудна продажба, со аргумент дека ќе му треба повеќе време да најде решение за оваа проблематика.

Судот треба да ги сослуша аргументите за случајот на 10 јануари.

Со законот ќе се бара од кинескиот сопственик на TikTok, кинескиот ByteDance, да ја продаде платформата на американска компанија или ќе се соочи со целосна забрана во САД. Конгресот на САД во април гласаше за забрана, освен ако ByteDance не ја продаде апликацијата до 19 јануари.

Ако судот не пресуди во нивна корист и не се случи откупување, апликацијата би можела целосно да биде забранета во САД на 19 јануари, еден ден пред Трамп да ја преземе функцијата. TikTok,  има над 170 милиони корисници во САД.

Рускиот претседател Владимир Путин потпиша закон во кој се вели дека странските државјани можат да бидат осудени на 15 години затвор за помагање на руските противници.

Законот предвидува кривична одговорност и затворска казна од 10 до 15 години за сите странски државјани и лица без државјанство кои ќе пружат финансиска, материјално-техничка, консултативна или каква било друга помош на противник на територијата на Русија, пренесе „Спутник“.

Тоа се активности кои очигледно се насочени против безбедноста на Русија.

Покрај затворската казна, предвидена е и парична казна до 500.000 рубљи или висината на платата или другите приходи на осудениот за период до три години.

Според законот, едно лице може да биде ослободено од одговорност ако навремено придонесело да се спречи оштетување на интересите на Русија.

Законот предвидува и затворска казна до осум години за соработка на странски државјани со претставници на други земји во активности против безбедноста на Русија

Десетици илјади јужнокорејски демонстранти се собраа во Сеул интензивирајќи ги повиците за итна оставка на отповикуваниот претседател Јун Сук Јеол.

Големи групи луѓе се собраа во центарот за да мавтаат со стапови, плакати и балони со пораки против Јун, додека извикуваа слогани за Јун да се повлече.

Уставниот суд следната недела ќе одржи второ рочиште за да разгледа дали да го врати Јун на функцијата или трајно да го отстрани од функцијата. Има 180 дена да донесе одлука.