Тетовец осомничен за вчерашното опожарување на возилото „Пасат“ со струшки таблици
В.С. (29) од Тетово е осомничен за вчерашното опожарување на патничкото возило „Пасат“ со струшки регистарски таблици, сопственост на 34-годишна тетовка К.С..
Како што соопшти СВР, немилиот настан се случил околу 3:30 часот на паркингот пред станбената зграда во која живеела К.С., на улицата „Видоја Смилевски-Бато“ во Тетово.
Според портпаролот на СВР Тетово Марјан Јосифовски, осомничениот под возилото поставил запалено мало плинско шише - боца по што се оддалечил од местото. Огнот од запаленато плинско шише ги зафатил задната десна страна од возилото и дел од седиштата, а зачадена е и целата внатрешност. Пожарот набрзо бил локализиран со интервенција на тетовските пожарникари.
- В.С. е осомничен за предизвикување пожар и предизвикување општа опасност. Уште вчера околу 13 часот во координација со јавен обвинител е лишен од слобода, задржан во Полициската станица Тетово, а подоцна пуштен. Наскоро ќе се соочи со соодветен поднесок, информира Јосифовски.
Минатата година во Тетовско се регистрирани девет опожарени возила. Едно е целосно расчистено и заокружено со поднесена кривична пријава, за седум се изготвени известувања против непознати сторители, а на едно се уште се работи.
Ново на Сител
-
Сиљановска Давкова на литургија по повод Мала Богородица во црквата Свети Никола во Њу Џерси
-
Нови детали од тешката сообраќајна несреќа во Србија - Загина петчленото семејство
-
Тежок судир воено и цивилно возило во Србија, две лица загинати
-
Со автомобил тешко повредил жена во Прилеп и побегнал
-
Возач со џип удри во дете на велосипед и тешко го повреди
-
Маж пронајден со повреди во подземна гаража во Скопје, пренесен на лекување на Клиничкиот центар
-
Поплави во Унгарија, Будимпешта под вода
-
Најмалку 13 цивили загинаа во израелски воздушен напад врз училиште во Газа