Тешко повреден мотоциклист во сообраќајка во Скопје

Вчера во 12.05 часот во СВР Скопје било пријавено дека на крстосницата од бул.„Св.Климент Охридски“, бул.„Мајка Тереза“, ул.„Васил Ѓоргов“ и ул.„Јордан Мијалков“,во Скопје се случила сообраќајна незгода помеѓу возило, кое веднаш по незгодата го напуштило местото и мопед „априлиа“ со скопски регистарски ознаки, управуван од Р.Д.(47) од Скопје, информираат од МВР.

Во незгодата со тешки телесни повреди се здобил мотоциклистот, констатирани во Комплексот клиники „Мајка Тереза“.

Извршен бил увид на местото на настанот од увидна екипа од СВР Скопје и се преземаат мерки за расчистување на случајот.