Таравари: Доколку имало пропуст или грешка за пациентот од Кардиохирургија одговорност ќе има
За починатиот пациент на Државна кардиохирургија ќе има одговорност, доколку имало пропуст или грешка околу неговото лекување, рече министерот за здравство Арбен Таравари во денешната изјава за медиуми за време на Втората Ренална експертска академија што се одржува во Скопје.
Тој рече дека сѐ уште не го видел извештајот на Државниот санитарен и здравствен инспекторат (ДСЗИ). Инспекторатот во текот на вчерашниот ден спроведе вонреден инспекциски надзор во ЈЗУ УК за државна кардиохирургија - Скопје, по издадена наредба од министерот Таравари, а во врска со третманот и лекувањето на сега починатиот пациент T.A од Скопје.
Министерот беше прашан дали ќе има санкција за Државната кардиохирургија и дали ќе се бара испитување во приватната клиника.
- Сите сме потенцијални пациенти. На сите може да ни се случува. За среќа во Македонија имаме три клиники каде што се работат вакви операции, меѓу кои, државната и две приватни. Дајте ми да го видам извештајот од ДСЗИ, одговорност секако ќе има доколку имало пропуст или грешка, одговори Таравари на прашањето, што ако денеска дојде таков пациент дали повторно ќе му се случи истото како на првиот пациент и каде да се оперира тој пациент.
Ново на Сител
-
Васил Јованов осуден на 12 години
-
Турција ќе отвори нова фабрика за чипови и соларни ќелии
-
Гејминг индустријата во Србија лани со приходи од 214 милиони евра
-
Забрана за 15.000 аргентински навивачи за влез на стадионите на Светското клупско првенство
-
Марта Кос: Владата во Србија не исполни ниту една од реформите што ги вети во декември
-
Управувал возило со 1,58 промили алкохол во крвта, приведен 68-годишник од Ресен
-
ФБИ ќе го зголеми фокусот кон илегалната имиграција
-
МВР: Апел до граѓаните да внимаваат на лажни е-пораки – фишинг линкови