Тахири: Косово ќе добие повикувачки број на 15 декември

Косовската министерка за дијалог Едита Тахири изјави денеска на владината седница дека Косово ќе го добие повикувачкиот број +383 на 15 декември.

Според Тахири, Австрија во врска со тоа веќе поднела барање во име на Косово до Меѓународната унија за телекомуникации.

Министерката нагласи и дека со договорот за телекомуникации, кој неодамна е постигнат со Белград и Брисел, „завршиле активностите на незаконските телефонски оператори на Косово“.