Тачи: Договорот за нормализација на односите меѓу Приштина и Белград ќе биде потпишан во Белата куќа
![](/sites/default/files/styles/large/public/article/teaser-images/2018/december/h_54619754-204174.gif?itok=_U0Pnv0m)
Косовскиот претседател Хашим Тачи денеска изјави дека сеопфатниот договор за нормализација на односите меѓу Приштина и Белград ќе биде потпишан во Белата куќа во Вашингтон, во присуство на американскиот претседател Доналд Трамп.
– Нема дилеми околу тоа дали САД го поддржуваат тоа или не. Договорот ќе биде потпишан во Белата куќа во присуство на најмоќниот светски државник, Доналд Трамп, изјави Тачи на годишната прес-конференција во Приштина.
Тачи нагласи дека очекува договорот што ќе биде постигнат меѓу Белград и Приштина да биде „урамнотежен“.
Во врска со денешната изјава на неговиот советник Беким Чолаку дека Приштина треба да разгледа привремено укинување на таксите од 100 проценти за увоз на производите од Србија и Босна и Хервеговина, Тачи истакна дека не ги коментира изјавите на своите советници.
Што се однесува до продолжувањето на дијалогот меѓу Белград и Приштина, предвидено за 8 јануари во Брисел, Тачи изјави дека на средбата со претставниците на ЕУ ќе отпатуваат само членовите на преговарачкиот тим, но не и тој.
– Преговарачкиот тим се согласи со мојот предлог на 8 јануари да бидат во Брисел, а јас на скијање во Брезовица, изјави Тачи, додавајќи дека тимот целосно ја има неговата доверба.
Ново на Сител
-
Со возила се нарушува јавен ред и мир во Тетово, од десет казнети, седум се со странски регистрации
-
ДКСК: Поранешен заменик-министер распоредил 189 вработени за време на изборите
-
Приведен крадец во Скопје, одземеното вратено на сопственикот
-
ЕК: Северна Македонија спроведе реформи за независност на судството, но останува загриженост за негова заштита од влијание
-
Притвор за 25-годишен велешанец - Со палење на седишта предизвикал голем пожар
-
Неготинка пријавила сопруг за физички напад, кавадарчанка дека била нападната од двајца додека работела на брана
-
Ангелов: Во ЦУК и ДЗС има превработеност на одредени позиции, а нема луѓе таму каде што треба
-
Одреден притвор за тројцата инженери од Крушик заради шпионажа за фирма од Северна Македонија