СЗО: Речиси 690 илјади лица во Европа се заразени со коронавирус
Бројот на заразени со коронавирус во Европа надмина 687 илјади, а над 62 000 лица починаа од болеста, соопшти директорот на Регионалната канцеларија на СЗО за Европа, Ханс Клуге.
„Според податоците пристигнати до утрово, регистрирани се 687 236 случаи (на инфекција). Со жалење информираме дека починале 62 824 луѓе“,рече Клуге чија изјава беше пренесувана во живо преку фејсбук.
Регионалниот директор на СЗО за Европа, меѓу друготo истакна дека ширењето на Ковид-19 на Европскиот континент е многу загрижувачко и ги повика владите многу добро да размислат пред да започнат со ублажување на преземените мерки за спречување на ширењето на вирусот.
„Драматичното зголемување на случаите останува многу загрижувачка слика во Европа. Многумина од нас едвај чекаат да го слават Велигден, но ова не е време да го спуштиме гардот. Мораме да се бориме“,рече Клуге. Шпанија, Италија, Франција и Германија се европските земји кои имаат најмногу заболени од коронавирус – над 100 илјади. Од појавата на вирусот, во Италија бројот на починати се искачи над 17 илјади луѓе, во Шпанија над 14 илјади, а во Франција таа бројка изнесува повеќе од 10 илјади починати од коронавирус.
Ново на Сител
-
Санкции за правно и физичко лице поради неправилности при јавен превоз со товарно возило
-
Почина родилка во Куманово
-
Казнети три ресторани и месарница во Кавадарци, уништени 87 килограми небезбедна храна
-
Најмалку десет загинати и 11 повредени во експлозија на бензинска пумпа во Русија
-
Македонката Наташа Соврановски која исчезна во Германија е пронајдена мртва
-
АХВ: Спроведени вонредни контроли и во Кавадарци
-
Честитка од претседателката Сиљановска Давкова по повод Денот на Бошњаците
-
Лавров: Блискиот Исток е на работ на тотална војна