СЗО: Не политизирајте со одлуки за повторно отворање училишта
Светската здравствена организација соопшти денеска дека одлуките за повторно отворање на училиштата не треба да бидат политички, туку дел од пошироката стратегија за борба против Ковид-19.
Извршниот директор на СЗО за програми за итни случаи, Мајк Рајан, рече дека ваквите одлуки бараат да се погледне над тоа како училиштата, работните места или објектите за долготрајна нега реагираат индивидуално на епидемијата на коронавирусот.
Изјавата е дадена во време кога официјалните лица на администрацијата на американскиот претседател Доналд Трамп се повеќе повикуваат на отворање на училиштата во САД.
-Треба да се фокусираме на сеопфатна долгорочна стратегија што се фокусира на сите истовремено, рече Рајан.
Тој посочи дека државите треба да донесуваат одлуки врз основа на околностите што преовладуваат во нив или сегашното ниво на пренесување.
– Не можеме да ги претвориме училиштата во уште еден политички фудбалски натпревар во оваа игра. Не е фер за нашите деца. Мораме да донесуваме одлуки кои се засноваат на најдобрите интереси на нашите деца, без оглед дали се тоа нивни образовни или здравствени интереси, рече Рајан.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата