СЗО: Имунитет на стадо не може да биде стратегија против короната, тоа не е опција
Светската здравствена организација (СЗО) смета дека е незамисливо да се дозволи слободно циркулирање на Ковид-19 за да се постигне колективен имунитет.
„Никогаш во историјата на јавното здравство не бил користен имунитет на стадото како стратегија за одговор на епидемија, а уште помалку пандемија. Тоа е научно и етички проблематично“, рече на прес-конференција генералниот директор на Светската здравствена организација, Тедрос Аданом Гебреизус.
„Слободно ослободување на опасен вирус, што не го разбираме целосно, е спротивно на етиката. Тоа не е опција“, вели тој.
„Огромен број на луѓе во повеќето земји се подложни на зараза со вирусот. Серолошките истражувања сугерираат дека помалку од 10 проценти од популацијата е заразена во повеќето земји“, објасни Тедрос Аданом Гебреизус.
Тој исто така додаде дека не се знае доволно за имунитетот на оние кои биле заразени со Ковид-19 и истакна дека некои се заразиле повторно.
„Повеќето луѓе заразени со вирус развиваат имунитет во текот на првите недели, но не знаеме дали станува збор за постојан и силен имунитет или е различен од личност до личност“, додаде тој.
Ново на Сител
-
Премиерот Мицкоски ќе присуствува на Минхенската безбедносна конференција
-
14 февруари: Вepувањата зад Св. Трифун и Св. Валентин
-
Под лажен идентитет уапсен наркобос од Македонија на аеродромот во Женева
-
Продолжува судењето за убиствата на Вања и Панче
-
Владата не ја донесе одлуката за ограничување на маржите
-
Трамп за денеска најави средба меѓу руски, украински и американски претставници
-
Макрон: Само украинскиот претседател Зеленски може да преговара за мир за неговата земја
-
Маск: Ќе ја повлечам понудата за Опен АИ доколку компанијата остане непрофитабилна