СВР-Битола: Намален бројот на сообраќајни незгоди
СВР-Битола соопшти дека бројот на сообраќајни незгоди е намален за 10,98 насто, а за 3,6 насто зголемен е бројот на прекршоците од областа на јавниот ред и мир. Според показателите на СВР-Битола во втората половина од минатата година, безбедносната состојба на подрачјето на полициската станица со општа надлежност во Битола, се оценува како поволна.
Во второто полугодие од минатата година, како што информираат од СВР Битола, биле организирани три јавни протести без нарушување на јавниот ред и мир, регистрирани се 115 други прекршоци во градот и населените места за што се поднесени прекршочни пријави, а најчеста причина биле влошени меѓучовечки односи, нерешени имотно правни односи, нарушени семејни односи или нарушување на јавниот ред и мир од лица под дејство на алкохол.
Во второто полгодие од минатата година намален е бројот на сообраќајни незгоди.
Во 146 регистрирани сообраќајни незгоди, животот го загубиле четири лица, а 73 се здобиле со телесни повреди. Најголем дел од сообраќајните незгоди или вкупно 102 се случиле во населено место, а 44 на отворен пат. Во второто полугодите од 2016 година извршена е контрола на 11.818 возила и возачи и притоа од сообраќај биле исклучени 289 возила.
Од СВР-Битола посочуваат дека ќе продолжат со превентивни мерки, јавни акции и кампањи за подобра безбедност во сообраќајот, како и подобар јавен ред и мир во градот.
Ново на Сител
-
EУ почна преговори со Украина и Молдавија
-
Teма на денот со Зоран Јовановски
-
EУ почна преговори со Украина и Молдавија
-
Прва инвестиција на новата Влада вредна 500 милиони долари
-
Почна расправа за струјата
-
Од министерска во директорска фотелја – Фатмир Меџити е нов директор на Клиниката за неврологија
-
Клиниките во Скопје и Штип ќе ги лечиме на арбитража во Париз
-
На секоја втора фирма лани и било барано мито, сумите одат и до 100 илјади евра