Светскиот ден на мајчиниот јазик одбележан во Карпош

Под мотото „Јазикот е бисерен ѓердан“, учениците од ООУ „Аврам Писевски“ во општина Карпош денеска го одбележаа Светскиот ден на мајчиниот јазик. 

Покрај културно-уметничката програма, основците диксутираа за совладувањето на јазичните бариери, за значењето и историската димензија на македонскиот литературен јазик. Учениците рецитираа поетски творби на македонски, ромски и албански јазик.

На настанот присуствуваа претставници од Државниот училишен центар за образование и рехабилитација „Партенија Зографски“ и од ООУ „Пашко Васа“ од село Групчин, кои практично демонстрираа како се совладуваат јазичните бариери. Ова училиште е повеќегодишен партнер со ООУ „Аврам Писевски“ во рамки на проектот „Меѓуетничка интеграција во образованието“.